ബാലസംഘം

ബാലസംഘത്തെ അറിയുക

കേരളത്തിലെ കുട്ടികളുടെ ഏറ്റവും വലിയ സംഘടനയാണ് ബാലസംഘം. കുട്ടികളെ ജാതി-മത വർണ്ണ പ്രാദേശിക ചിന്തകളിൽ നിന്ന് മോചിപ്പിച്ച് ശരിയും ശാസ്ത്രീയവുമായ പാതകളിലൂടെ പാരമ്പര്യത്തിന്‍റെ നല്ല അംശങ്ങൾ ഉൾക്കൊണ്ടുകൊണ്ട് മനുഷ്യരായിത്തീരുക എന്ന മഹത്തായ സാംസ്കാരിക മുദ്രാവാക്യത്തെ ഉയർത്തിപ്പിടിക്കുന്ന പുരോഗമന തലമുറയെ വാർത്തെടുക്കുക എന്നത് ബാലസംഘത്തിന്റെ പ്രഖ്യാപിത ലക്ഷ്യമാണ് . രക്ത നക്ഷത്രവും നീല നിറത്തിൽ ബാലസംഘം എന്ന് ആലേഖനം ചെയ്ത ശുഭ്ര പതാകയാണ് ബാലസംഘത്തിന്റെ പതാക. 'പഠിച്ചു ഞങ്ങൾ നല്ലവരാകും ജയിച്ചു ഞങ്ങൾ മുന്നേറും പടുത്തുയര്ത്തും ഭാരത മണ്ണിൽ സമത്വ സുന്ദര നവലോകം' എന്നതാണ് മുദ്രാവാക്യം. വേനൽത്തുമ്പി കലാജാഥ ബാലസംഘത്തിന്റെ ഒരു പ്രധാന പ്രവർത്തനമാണു. സെക്രട്ടറി - സരോദ് ചങ്ങാടത്ത് പ്രസിഡന്റ് - എസ് ആര്യ രാജേന്ദ്രന്‍ കൺവീനർ - ടി കെ നാരായണ ദാസ്‌ കോ-ഓഡിനേറ്റർ -Adv.എം രൺദീഷ്, ആര്‍ മിഥുന്‍ഷാ