ഓണവും പൂക്കാലവും
ഒന്നുപോലെത്തുന്ന കാലം
അച്ഛനെ കാത്ത് ആ വേലിക്കൽ
നിക്കണ കാലം
അച്ഛന്റെ കൈയിലെ
പൊതിയും തട്ടിപറിച്ചോടുന്നകാലം
കുഞ്ഞുടുപ്പിൻ തുണികൾ
തുന്നുവാൻ പായുന്ന കാലം
തിരുവോണനാളിൽ
രാവിലെ കുളിച്ചു
പുത്തൻ ഉടുപ്പിട്ട്
അത്തപ്പൂക്കളം ഒരുക്കുവാൻ
പോയിരുന്നകാലം
പുട്ടും പയറും കൂട്ടികുഴച്ച
ആ വിരലുകൾ നക്കി തുടച്ചകാലം
ഊക് പൊട്ടിയ നിക്കറും
വലിച്ചുകെട്ടി കൂട്ടരോടുത്തു
ഒരു തുമ്പി തുള്ളിയ കാലം
കിഴക്കു ഉദിക്കുന്ന
സൂര്യനെ പോലെ
എങ്ങോ പോയി മറഞ്ഞോരെൻ ബാല്യകാലം
ആരേലും തടഞ്ഞെങ്കിൽ
തിരികെ എത്തുമോ
ആകാലങ്ങൾ അത്രയും
ഇനി ഈ ജീവിതത്തിൽ
തിരികയുണ്ടോ ഒരു ബാല്യത്തിൻ പുലർകാലം